டாக்டர் ருத்ரன்,டாக்டர் ஷாலினி.. மே 10.

அந்தப் பெண்ணிற்கு 24 வயது. பார்க்க நன்றாக இருப்பாள். என்ன காரணத்தினாலோ, கல்யாணம் என்று பேச்சை எடுத்தாலே கத்தத் துவங்கி விடுவாள். மற்ற நேரங்களில்,ஆரம்பக் கால நதியா ரேஞ்சுக்கு வாழ்க்கையை துள்ளலாக வாழ்பவள். காரணம்?

இன்னொரு பெண். மிகுந்த ஆசையுடனும் கனவுகளுடனும் திருமணம் செய்து கொண்டவள் கணவன் அருகாமை என்ற நினைப்பு வந்ததுமே மயங்கிவிடுகிறாள். காரணம்?

அந்த பள்ளிக் கூட சிறுமி வழக்கத்திற்கு மாறாக மாலை எல்லாம் தனியாகவே அமர்ந்திருந்திருக்கிறாள் வீட்டில். மறுநாள் பள்ளிக்குச் சொல்ல முடியாது எனக் கதறி இருக்கிறாள். காரணம்?

இது போன்ற ஆயிரமாயிரம் பிரச்சனைகள்.. காரணம் என்று பார்த்தால் கூடுமானவரை ஒரே திசையில் தான் அந்தக் காரணம் பயணிக்கிறது.

“இளமையில் கலவி” கல்வி அல்ல கலவி தான்.அதுவும் ஒன்றுமறியாத,அல்லது ஒன்றிரண்டு மட்டுமே அறிந்த சிறுமிகளை காமக் கொடூரன்கள் (என்ற வார்த்தை மிகச் சரியே) ஏதாவது ஒரு விதத்தில் சிதைக்கிறார்கள். அந்த ஐந்து நிமிட அற்பத்திற்காக ஒரு சிறுமியின் எதிர்கால சிந்தனைகளைச் சிதைத்துவிடுகிறார்கள். மேலே சொன்ன நதியாத்தன பட்டாம்பூச்சிகள் செக்ஸ் என்ற வார்த்தையை அருவருப்பாக பார்க்கக் காரணமும் இதுவாகத்தான் இருக்கிறது பெரும்பாலும்

உலகம் இயங்கும் மட்டும் செக்ஸ் இருக்கும்.. செக்ஸ் இருக்கும் மட்டும் இச்சை இருக்கும்.இச்சை இருக்கும் மட்டும் இந்த இமைசகள் இருக்கும்.

ஆக, நம் வீட்டுச் சிறுமிகளை/சிறுவர்கள நாம்தான் காக்க வேண்டும் என்ற அடிப்படையின் அடுத்த கட்டம் சிறுமிகள்/சிறுவர்கள் அவர்களை அவர்களாகவே காத்துக் கொள்ள நாம் கற்றுக் கொடுக்க வேண்டும் என்பதே.


அதற்கான ஒரு சிறு முயற்சி, வருகின்ற மே மாதம் 10ம் தேதி நடக்க இருக்கும் கருத்தரங்கம்.

டாக்டர் ஷாலினியும் டாக்டர் ருத்ரனும் கலந்து கொள்ளும் இந்த கருத்தரங்கிற்கு பெற்றோர்கள் வந்து தங்கள் ஐயங்களையும், எவ்வாறு கற்றுக் கொடுக்க வேண்டும் என்ற வழிமுறைகளையும் கேட்டுத் தெரிந்து கொள்ளலாம்.

ஏனெனில், சும்மா இருக்கும் குழந்தைகளை குட் டச் பேட் டச் என்று ஏதாவது சொல்லித்தரத் தெரியாமல் சொல்லிக் கொ(கெ)டுத்துவிடக்கூடாது என்பது மிக முக்கியம்.

இன்னுமொரு முக்கிய மேட்டர் : இதில் பங்குபெறவிரும்புவோர்... கீழே உள்ள மெயில் ஐடிக்கு ஒரு மடல் எழுதி வருகை தருவதை உறுதிப் படுத்தினால், ஏற்பாடுகள் செய்ய (இருக்கை,டீ,ஸ்நாக்ஸ்!) ஏதுவாக இருக்கும்.

weshoulddosomething@googlemail.com

இதை ஆரம்பித்து வைத்த சிதறல்கள் தீபாவிற்கும், கருத்தரங்கமாக நடத்தலாமே என்று அடுத்த அடி எடுத்து வைத்த அமிர்தவர்ஷினி அம்மாவிற்கும், மிக முக்கியமாக, எல்லாவிதமான ஏற்பாடுகளையும் மிகுந்த அக்கறையோடு செய்து வரும் sk வுக்கும் நன்றி.

இதைப் பற்றி பேசியவுடனே முகம் மலர்ந்து, நிச்சயம் நல்லா செய்வோம் என்று தோள்கொடுத்த லக்கிக்கும், Always welcome என்று சொன்ன கிழக்குப் பதிப்பகம் பத்ரிக்கும் நன்றிகள்.

இடம் : கிழக்குப் பதிப்பகம் மொட்டைமாடி,
எல்டாம்ஸ் ரோடு,சென்னை.

நாள் : 10/மே/2009.

நேரம் : மாலை 4:30 - 7.00.

அனைவரும் வரலாம் என்ற போதிலும், பெற்றோர்களும்,சமூகத்தில் இது போன்ற கொடுமைகள் நடக்காமல் தடுக்கவேண்டும் என்பதில் முனைப்பும் உள்ளவர்கள் தவறாது கலந்து கொள்ளவேண்டும்.ஏனெனில் இங்கு பரிமாறப்படும் கருத்துகள் உங்கள் மூலம் உங்களைச் சார்ந்தோரை சென்றடைய வேண்டும்.

இறுதியாக, தங்களின் பிஸியான நேரத்திலும், இதற்கு வருகை தர இசைந்த இருபெரும் உள்ளங்களுக்கு நன்றி.

ஆம்

டாக்டர் ஷாலினி மற்றும் டாக்டர் ருத்ரன் இவர்களுக்கு ‘நன்றி’ என்ற ஒற்றை வார்த்தையில் சொல்லி விட்டாலும் அதைத் தவிர தமிழில் வேறு வார்த்தைகள் இந்தப் பதிவை எழுதும் இந்தத் தருணத்தில் தோன்றவில்லை.

தொடர்புக்கு
லக்கிலுக் : 9841354308(இவரை அழைக்கும்போது விகடனில் வந்த இவரது கதைக்கு வாழ்த்துச் சொல்லிவிடுங்கள்)
நர்சிம் : 9940666868
அதிஷா : 9884881824(கிழக்குப் பதிப்பகம் எங்கே இருக்கிறது என்று கேட்டால் கூட்டிக் கொண்டுபோய் விட்டுவிடுவார் போனிலேயே)

மெயில் அனுப்ப மறந்துவிடாதீர்கள் : weshoulddosomething@googlemail.com

..