”கொஞ்சமாவது காதல் தெரிய வேண்டும்”-’நக்கீரர்’

“என்ன ரமேசு, தலைக்குப் பின்னால ஒளிவட்டம் தெரியுதே...”

“ஏண்டா நக்கலா.. நானே எக்ஸாம் வந்துருச்சேன்னு பம்மிக்கிட்டு இருக்கேன்”

“உனக்கு என்னடா பயம்.. இந்த தடவ நீ நிச்சயம் ஐ.ஏ.எஸ் தாண்டா..”

“இல்ல பங்காளி.. ஜி.கே கரைச்சு குடிச்சாலும் பயமாத்தான் இருக்கு”

“என்னடா இப்பிடி சொல்ற..நீ தான் எல்லா கேள்விக்கும் டாண் டாண்னு பதில் சொல்றியேடா..அங்கோர் வாட்டுன்ற(உயரமான கோபுரம்), டெல்லின்ற(தலைநகர்) பெங்கால் கெஸட்னு(முதல் செய்தித் தாள்) எல்லா கேள்விக்கு பதில் சொல்ற அறிவு ஜீவிடா நீ”

“ஆமா..படிச்சுட்டே தான் இருக்கேன். அறிவாளின்னு நீ சொல்றத கேட்கும் போதே சந்தோஷமா இருக்கு பங்காளி”

“அதெல்லாம் சரி.. உன் லவ்வருக்கும் உனக்கும் என்னா பிரச்சனை?”

“ஒரு SMS பண்ணா, புரியல, அதான் பதில் அனுப்பல.”

“ச...ரி..”

“அப்புறம் நேர்ல பார்க்கும் போதும்.. என் கண்ண பார்த்தா என்ன தெரியுது..ன்னு என்ன என்னமோ கேட்டா..”

“பார்ரா.. பொண்ணு ஆர்வமாத்தான் இருக்கு.. ம்.. நீ என்ன சொன்ன?”

“மெட்றாஸ் ஐ யா இருக்குமோன்னு கேட்டேன்..கோவிச்சிட்டு போய்ட்டா”

“வெறுமா கோவிச்சுட்டுத்தான் போனாலா, இல்ல த்தூன்னு துப்புனாளா?”

“என்ன பங்காளி நீயே இப்பிடி சொல்ற?”

“அப்புறம் என்னடா.. IASக்கு ரெடியாகுறது எல்லாம் இருக்கட்டும்.கொஞ்சமாவது ரொமான்ஸ் பக்கம் தெரிஞ்சிருக்கலேன்னா என்னாதான் நீ அறிவாளில்லானும் முட்டாப்பய கூட்டத்துல தாண்டா சேர்த்தி..”

“என்னடா சொல்ற?”

“IASக்கு,இலக்கியம், குறுந்தொகை எல்லாம் படிக்க மாட்டியா? மேல சொன்னத நான் சொல்லப்பா.. நக்கீரரே சொல்லி இருக்காரு..அதே நெற்றிக்கண் பார்ட்டி தான்.. ஒழுங்கா அதையும் படி.. அதாவது பாட்டையும், அப்பிடியே ரொமான்ஸையும்”

விளக்கம்:

தூய வெண்மையான அருவி மலையில் விழுவது, முரசறைவது போல காட்சிதரும் வளம்மிக்க நாட்டின் தலைவனே... கொஞ்சம் காமமும்(காதலும்) தெரிந்து வைத்திருக்காகதவரையும் அறிவில்லாதவர்கள் என்றே சொல்வார்கள்.அதைப் பற்றி(காமம்/காதல்) தெரியாததும் பேதமையே.

பாடலின் சிறப்பு:

அருவி விழுவதை முரசிற்கு ஒப்பிட்ட வரிகள். யோசித்துப் பாருங்கள். இந்த சிந்தனை நமக்கு அவ்வளவு எளிதாக வந்திருக்குமா இதுவரை எத்தனையோ முறை அருவியையும் மலையையும் பார்த்திருக்கிறோம்.ஆனால் முரசு போல எனும் போது காட்சி விரிகிறது.

பாடல்:

பெருவரை மிசையாது நெடுவெள் ளருவி
முதுவாய்க் கோடியர் முழவின் ததும்பிச்
சிலம்பின் இழிதரும் இலங்குமலை வெற்ப
நோதக் கன்றே காமம் யாவதும்
நன்றென உணரார் மாட்டும்
சென்றே நிற்கும் பெரும் பேதைமைத்தே

பாங்கன் கூற்றாக குறிஞ்சித்திணையில் நக்கீரர் எழுதிய பாடல்.

..