என்’ணங்கள்...

ஞானசேகரன் M.L.A.வேலூர்,துடிப்பான பல போராட்டங்களை முன்னின்று நடத்தும் மக்கள் தொண்டர்.இவர் சென்ற வாரம் ஒரு வேண்டுகோளை விடுத்திருக்கிறார்.அதாவது MLAக்களுக்கு “சென்னையில் இரண்டைரை கிரண்டில் இடம் ஒதுக்கித் தரவேண்டும் அரசு..வீடு கட்டிக் கொள்ள”.. அதற்கு முதல்வரும் கரகரத்த குரலில் “பரிசீலனை செய்யப்படும்..என்ன விலை என்றெல்லாம் நிறைய பரிசீலிக்கபடும்”என்றும் சொல்லி இருக்கிறார்.

இதில் என்ன பரிசீலனை? முடியாது என்பதை அங்கேயே சொல்லி இருக்கவேண்டும்.சொல்லுவார் என்று நம்புவோம்.

என்ன அடிப்படையில் இந்த கோரிக்கையை ஞானசேகரன் வைத்திருக்கிறார் என்று தெரியவில்லை. சொந்தமாக சென்னையில் இரண்டரை கிரவுண்டு சகாய விலையில் வாங்கிப் போடுவது மட்டுமே நோக்கமாகத் தெரிகிறது.சகாய என்பதை அடிமாட்டு,ஓசி போன்ற பிற சொற்களாகவும் படித்துக் கொள்க.

எம் எல் ஏ சீட் வாங்க நேர்காணலின் போது என்ன கேள்விகள் கேட்கிறார்கள் கட்சியில் இருந்து என்பது எல் கே ஜி குழந்தைகளுக்கும் தெரியும். “எவ்வளவுய்யா செலவு செய்வ,எவ்வளவுய்யா தருவ” இந்த வார்த்தைகளை நாகரீகமாக மாற்றி மாற்றி போட்டு கேட்கப்படுவதென்பது அனைவரும் அறிந்த ஒன்று.அப்படி இருக்க இரண்டரை கிரண்டு X 234 என்பதெல்லாம் ஓவராகத் தெரியவில்லையா? அதுவும் சென்னையில் எதற்கு? தங்கள் தொகுதியில் கேட்பதே தவறு என்றாலும் லாஜிக் இருக்கிறது.சென்னையில் மிக அற்புதமான MLA ஹாஸ்டல் இருக்கும் பட்சத்தில்..அதுவும் இடமாக.. ஏனெனில் வீடு அவரவர் வசதிக்கேற்ப அமர்க்களமாக கட்டிக் கொள்ளலாம்.

ஸாரி மிஸ்டர் ஞானசேகரன்..இதை எதிர்த்து அந்த கூட்டதிலேயே தன் கருத்தை தெரிவித்தவர். கம்யூனிஸ்ட் எம் எல் ஏ பாலபாரதி அவர்கள்.நன்றி மேடம்.

*************

இடைத் தேர்தலை அதிமுக புறக்கணிப்பதாக அறிவித்து விட்டார் தலைவி.காரணமாக ஜனநாயகம் பணநாயகம் என்பதாகிவிட்டது என்று கூறி இருக்கிறார்.பணம் இல்லாத கட்சி ஏது? பதிலுக்கு அதே பணம் கொண்டு தாக்கவேண்டியது தானே என்ற விதண்டவாதம் தேவையற்றது என்ற பொழுதிலும் தேர்தலை புறக்கணிப்பது விளையாட்டை எளிதாக்கும்,என்றாலும் தேர்தலில் நிற்பதை புறக்கணிக்கிறது அ.தி.மு.க என்பதோடு நின்று விட்டால் சரி..தேர்தலையே புறக்கணிக்கிறோம் போன்ற ஸ்டேட்மெண்ட்டுகள் ஜனநாயகத்திற்கு எதிரானது என்பது பு.த.மேடத்திற்கு தெரியாததல்ல...

****************

சக பதிவர் ஜோ(joeவின் இந்தப் பதிவு ...

ஆம். படிக்க வேண்டும் என்பது எல்லோருக்கும் ஆசை. வாய்ப்புகளை தவற விடுவது அவரவர் விருப்பம்.ஆனால் வாய்ப்பே இல்லாதவர்களின் நிலைகளைப் பார்த்து வருந்துவதை விடுத்து, அவர்களுக்கு வாய்ப்பு ஏற்படுத்த நமக்கு கிடைத்த வாய்ப்பே ஜோவின் இந்தப் பதிவு.

நல்ல,பழைய புத்தகங்கள் இல்லாதவர்கள் பதிவெழுத முடியாது.வாசிப்பின் அடுத்த கட்டமே எழுத்து என்பதை அதிகம் நம்புபவன் நான்.உண்மை என்பதால்.வாசிக்காதவர்களின் எழுத்து ஒரு கட்டத்தில் சுற்ற ஆரம்பித்து விடும்.வாசிப்பும் மீள் வாசிப்பும் எழுதுபவர்களுக்கு சுவாசிப்பு.எத்தனையோ புத்தகங்கள்உங்கள் கண்பார்வைக்கு மட்டுமே என்று இருக்கும் நிலையில் இருந்தால் அந்தப் பதிவை படித்து,தொடர்பு கொண்டு முடிந்த அளவு புத்தகங்களை கொடுங்கள். ஒரு நூலகம் அமைப்பது கோயில் கட்டுவதை விட அவசியமான ஒன்று.சிலருக்கு நூலகங்கள் பொழுது போக்கு.பலருக்கு வாழ்வின் இருளை அகற்றும் இடம்.உதவுங்கள்.

****************

பிறந்த நாள் வாழ்த்தை பதிவு செய்த நண்பர் பரிசலுக்கும்,கேவிஆர் பக்கங்கள் ராஜாவிற்கும்,கேபிள் சங்கருக்கும்,பதிவுகளிலும்,தொலைபேசியிலும்,தொலை நாட்டுப் பேசியிலும் அன்பைத் தெரிவித்த அனைவருக்கும் மிக்க நன்றிகள்.மிக நெகிழ்வாய் உணரவைத்தமைக்கு நன்றிகள்.

************

அவ்வ்வ்வ்வ்வ்வ்வ் என்று பலரும் பின்னூட்டங்களிலும் பதிவுகளிலும் எழுதுவதை பார்க்கிறோம். இந்த வார்த்தையை நடிகர் வடிவேலு ஆரம்பித்ததாக தெரிந்தாலும்...தொல்பொருள் ஆராய்ச்சியாளர் ரேஞ்சில் தோண்டிப்பார்த்தால்...

அவ்வெனும் எழுத்தினால் அகண்டுயேழு மானதும்
உவ்வெனும் எழுத்தினால் உருத்தரித்து நின்றதும்
மவ்வெனும் எழுத்தினால் மயங்கினார்கள் வையகம்
அவ்வுமுவ்வு மவ்வுமாய் அமர்ந்ததோ சிவாயமே

என்று சித்தர் பாட்டில் உள்ளது.விளக்கம் சொல்லாமலே விளங்குகிறது...சம்போ..சிவ சம்போ...

********

ஆம்.இதுவும் அவியல்,கொத்துப்பரோட்டா வகையே.என் எண்ணங்கள்..

..