எண்ணங்கள் 23/08/10

‘தொல்நிகழ்’ வார்த்தைக்கு அர்த்தம் தெரிந்துதான் எழுதினியா?” என்றார் வைத்யா. ‘ஆம்’ என்றேன். அப்ப அது என்ன என்’ணங்கள்னு? வார்த்தை விளையாட்டுன்னு நீயா நினைச்சா சரி என்றார். தவறு.

**
தமிழினி-பாதசாரியின் ‘அன்பின் வழியது உயிர் நிழல்’ நூல்.

‘எளிய சொல்மணிகளை தின்று உயிர்வாழும் என் மனம், எங்கும் எப்போதும் சுதந்திரமாகப் பறக்கும் உருவிலா அதிசயப் பறவை’

இப்படி ஈரடி, முவ்வடிகளில் போகிற போக்கில் அவரின் சொல்மணிகள் மனதில் ரீங்கரித்துக்கொண்டே இருக்கின்றன.

காமம் குறித்த இவ்வரிகள்-
‘காரிகை எவரினும் காரியம் யாவினும் சாறு நிறைவு ஒருபோலத்தான்!’-

’வெட்ட வெளியில் வெறுமையை எரித்துவிடும் யத்தனமாகத்தான் இன்னும் இந்தப் புகைப்பழக்கமும் தொடர்கிறது. எதைக்காட்டித்தான் இனி இந்த மனதைப் பயமுறுத்த?’

நான் பட்ட அவஸ்தையை இனி நீங்கள் பெறுவீர்கள் . ஆம் இந்த வரிகள் மனதை விட்டு அகல மறுக்கிறது. உங்களுக்கும் அப்படியே ஆகக்கூடும்/கடவது.

இதுபோன்ற நூல்களை நிறைய வாங்கி வைத்து, அன்பளிப்பாகத் திணிக்கவேண்டும் எதிர்படுபவர்களிடம். அன்பைத் திணிப்பதுதானே முறை. செய்வேன்.

**
வைரமுத்து. எத்தனை முறை எழுதியாகிவிட்டது. என்றாலும் தென்றலாய் மீண்டுமொருமுறை. கலைஞர் டிவியில், சரி, தொலைக்காட்சியில் பாடல் நிகழ்வுகள் குறித்து சொல்லிக்கொண்டிருந்தார்.

அவர் சொல்லாவிட்டாலும் அவர் பாடல்களைக் கேட்கும் பொழுது எனக்கு அந்தப் பாடல் எழுதப்பட்டிருக்கும் பொழுது எதிரில் இருப்பவர்களிடம் தன் வரிகளை அவரின் குரலில் எப்படி எல்லாம் பேசி, விட்டு வெளுத்து இருப்பார் என்ற காட்சி ஓடிக்கொண்டுதான் இருக்கும்.

நிகழ்ச்சிக்கு வருவோம்.

‘சந்திரனைத் தொட்டது யார் ஆம்ஸ்ட்ட்ராங்கா?’

இந்த வரிகளை எழுதியதும்(வைரமுத்து குரலில் படிக்காதீங்கப்பா) ஏ.ஆர்.ரகுமான் கொஞ்சம் யோசித்தாராம். முதல் வரியிலேயே ஆம்ஸ்ட்ராங்க் என்ற வார்த்தை இசையில் அமர மறுக்கும்(மீட்டர் தட்டும்?). ஆங்கிலப் பெயர். அதை கொஞ்சம் மாற்றிக் கொடுங்கள் என்றாராம்.

மறுத்த வைரமுத்து, ஹரிஹரன் ஒருமுறை பாடட்டும். சரியாக வரவில்லை என்றால் மாற்றுகிறேன் என்றாராம்.

ஹரிஹரன் ஆம்ஸ்ட்ரா..ங்..ங்..கா’ என, ங் கில் தனது ட்ரேட்மார்க் சங்கதியை நுழைத்துப் பாடியதும் கடின வார்த்தை குழைந்துவிட்டதாம். பாடலும் ஹிட். டீம் ஒர்க் என்பது இதுதானோ. சுவாரஸ்யம்.

**

டீம் ஒர்க் என்றதும், நிர்வாக இயலில் புதிதாக வேலைக்குச் சேர்பவர்களுக்கான டீம்பில்டிங் விளையாட்டுகளின் மூலம் தயார்படுத்துதல்(படுத்துதல் தான்) நினைவுக்கு வருகிறது.

மூன்று அணிகள். அணிக்கு நான்கு பேர். சற்று தொலைவில் மூன்று கூடைகள் வைத்து, ஒரு அணிக்கு 20 பந்துகள் வீதம் கொடுத்து, அதிக முறை எந்த அணி கூடைக்குள் பந்துகளை போடுகிறது என்பது போட்டி. வரிசைப்படி வைக்கப்படும் கூடைகளில் முறையே முதல் கூடையில் ஒரு பந்துக்கு 50 பாயிண்ட், இரண்டாவது 100, மூன்றாவது 500 பாயிண்ட்ஸ்.

முதல் ரவுண்டில், சொல்லி வைத்தது போல மூன்று அணிகளும்

1.தன் டீம் நபர்களுக்கு ஆளுக்கு 5 பந்துகளாக பிரித்துக்கொள்வார்கள்.(அவர்களாகவே)
2.சிலர் முதல் மூன்று பந்துகளை முதல் இரண்டு கூடைகளுக்கு முயற்சி செய்து விட்டு, கடைசி இரண்டு பந்துகளை 500க்கும், சிலர் இதையே மாற்றியும் செய்வார்கள்.

போட்டி முடிந்ததும், ட்ரெய்னர், ஏன் 5 பந்துகளை நீங்களாகவே பிரித்துக்கொண்டீர்கள்? அப்படி ஏதும் விதிமுறையைச் சொல்லவில்லையே.. யார் ஓரளவு சரியாக போடுகிறாரோ அவரிடம் கூடுதல் பந்துகள் தந்து இருக்கலாமே? ஏன் ஒரே கூடைக்கு மீண்டும் மீண்டும் (500க்கு) முயற்சிக்கவில்லை? பத்துமுறை தொடர் முயற்சி செய்தால், 4 முறையேனும் விழுந்திருக்கும். நிறைய பாயிண்ட்ஸ் கிடைத்திருக்கும் என ‘அனலைஸ் செஷன்’னை முடித்து விட்டு, மீண்டும் ஒரு முறை இதே போட்டி என்பார்.

1. மூன்று அணிகளும் சொல்லி வைத்தாற்போல அணியில் எவரோனும் ஓரிருவருக்கு அதிக பந்துகள் தருவார்கள்
2. 500க்கே முயற்சிப்பார்கள்.

இப்பொழுது ட்ரெய்னர்:

1.உங்களுக்கு உங்களின் முடிவுகளின் மேல் நம்பிக்கை இல்லை. நான் சொன்னவுடன் பந்துகளை ஒருவரிடமே தள்ளிவிட்டீர்கள். டீம் ஒர்க்கின் மீதும், பகிர்ந்து செயல்படுத்துதலின் மீதும் நம்பிக்கை இல்லை போலத் தெரிகிறதே,

2நான் 500 என்றவுடன் அதிலேயே முயற்சித்தீர்களே ஒழிய, இடையில் இருந்த கூடைக்கு முயற்சித்திருந்தால், படிப்படியான கான்ஸ்ட்ரண்டேஷன்,அணுகுமுறை இலகுவாக டார்கெட் அச்சீவ் செய்திருக்கும் நிலை கிடைத்திருக்குமே என்பார்.

அவர் வாயைப் பார்த்துக்கொண்டே டீயைக் குடித்துவிட்டு வரவேண்டியதுதான்.

மிக எளிய விளையாட்டு என்றாலும் நிறைய உளவியல் உள்ளது போல இருப்பதே ஒரு உளவியல்தானோ?

--

ஜோதிடத்திற்கும் விஞ்ஞானத்திற்கும் சம்பந்தம் உண்டா இல்லையா என்பது தெரியாது. ஆனால் ஏதோ ஒரு சேனனில் ஒரு ஜோதிடர் இன்றைய நாள் பலனை லாப்டாப்பைப் பார்த்துக்கொண்டே சொன்னார்.

***

கேபிள் சங்கரின் ‘சினிமா வியாபாரம்’ நூல் அறிமுக விழா சனிக்கிழமை மாலை மிகச் சிறப்பாக நடந்தது. கொஞ்சம் தாமதமாகச் சென்றதனால் மெதுவாகப் போய் பின்னால் அமர்ந்துகொண்டேன். நா.முத்துகுமார் சிறப்பாக வாழ்த்தினார். பத்ரி, இந்தப் புத்தகம் அல்ரெடி சக்ஸஸ் ஆகி, விற்றுக்கொண்டிருக்கிறது/தீர்ந்துகொண்டிருக்கிறது. இது ஒரு ஃபார்மாலிட்டி அறிமுகம்தான் என்றும், திரைப்படங்கள் மீது நிறைய ஆர்வம் இருக்கிறது, ஆனால் அந்த அளவிற்கு புத்தகங்கள் வரவில்லை. இங்கு இருக்கும் எல்லோரும் நம்மிடம் ஒரு கேமரா இருந்தால் இவர்களை விட நாம் மிகச்சிறந்த படத்தை எடுத்துவிடுவோம் என்ற நம்பிக்கையோடுதான் இருக்கிறோம்’ என்றதும் மொத்தப் பதிவர்களும் ஆதியைப் பார்த்தார்கள். அவர் யாரையும் பார்க்காமல் இருப்பது போலவே இருந்தார்.

விழா முடிந்ததும் பதிவர்களை நீண்ட(!) இடைவெளிக்குப் பின்னர் சந்தித்தது மகிழ்ச்சி. என்னைப்பார்க்க வந்த மறத்தமிழனோடு பேசிக்கொண்டிருந்தது மிக்க மகிழ்ச்சி.

வாழ்த்துகள் கேபிள்.

**

டிபிசிடி, கவி_RT, அதிஷா,லக்கி.. ட்விட்டரில் அடி பின்னுகிறார்கள். யார் கவி_RT? கிளப்புகிறார் மனிதர்.

அறுக்கமாட்டாதவன் கைக்கு அம்பத்தெட்டு அறுவா கதைதான் எனக்கு என்பதால், ட்விட்டுகளைப் படிப்பதோடு சரி.

**

இன்றைய காலத்தில், காதலனோடு மனதாரப் பேசிவிட்டு, அவனைப்பிரிந்து வீட்டிற்குச் செல்லும் நேரம் வந்ததும் ஏன்தான் இந்த டைம் வருதோ? என சிணுங்கும் காதலிகளுக்கு இந்தக் குறள் பொருந்தும்.

மாலையோ அல்லை; மணந்தார் உயிருண்ணும்
வேலைநீ; வாழி பொழுது.

தலைவனைப் பிரிந்ததால், மாலைப்பொழுதைக் கடிந்தும், தனக்கு துன்பம் தராத பகல் பொழுதை வாழ்க என்றும் சொல்கிறாள் தலைவி.. ரைட்ட்ட்டு.

..